聖心商學書院－飛航百科

標題:

聖心商學書院

發問:

有冇人08/09讀shccc呀?我想問9月1開學番幾點呀,,讀上晝。可唔可以穿平底番學鞋架?開學有咩要帶呀? 最緊要話我知番幾點放幾點...另外係唔係9月2就正式上堂...未買齊書咁點算

最佳解答:

我唔係shccc 08/09年學生, 不過係shccc的05年畢業生. 如果無變, 開學日07:45前就要回到學校參加早會, 早會地點是學校的UG/F. 你來報名的地點是conference room. UG/F就是會議室樓上. 你跟返班別名去排隊, 排起邊個位都無所謂, 唔好排錯班就得. 開學日無乜要帶, 一定要帶文具同筆記簿抄下重點, 因為當日都有幾多野要講. 有早會就最好著高跟鞋(要有最少一吋), 因為早會通有訓導check校服. 無早會就著平底都勉強可以. 不過要記住對鞋上面唔可以有任何裝飾物, 亦唔可以多過一隻顏色. 平時上堂都要07:45前返到學校. 至於幾點放學就要睇你讀咩. 讀副學位應該多數上半日堂, 大約12:30就放, 但有可能一星期有1-2日要返全日. 如果讀中六中七, 就多數要上全日, 一星期有1-2日返半日. 全日一般要兩點幾三點幾先放學. shccc一堂要上65分鐘. 上堂兩堂會有小息. 有d老師會用notes教而唔用教科書教, 所以唔買書都無乜所謂. 其實頭1-2星期買唔齊書都無乜問題, 但如果上堂要用書, 或者要讀書考試, 就唔好成日唔帶書, 否則老師對你印象就無咁好, 而且將來測驗考試無書溫都幾麻煩.